Diddori mewn archeoleg? Mae gennym gyfle gwych ar y gweill i ymwneud â gwaith maes archeolegol. Ymunwch â ni am un (neu fwy) o'n diwrnodau cloddio.

Ar yr ucheldir uwchben Llanfairfechan a Phenmaenmawr mae tirwedd brin o bwysigrwydd rhyngwladol, a chwarelwyd fwy na 5,000 o flynyddoedd yn ôl, yn y cyfnod amser a elwir yn Neolithig.

Defnyddiwyd y graig sy'n brigo ar y llethrau hyn i gynhyrchu bwyeill carreg hardd, a gyfnewidiwyd rhwng cymunedau ac sy'n cael eu darganfod ledled Prydain hyd heddiw. Mae'r bwyeill hyn hefyd wedi cael eu darganfod yn lleol, gan gynnwys enghreifftiau anorffenedig a’r naddion a gynhyrchwyd yn ystod y broses o greu (cnapio) bwyell.

Rydym yn ymchwilio i'r dirwedd lle gynhyrchiwyd y bwyeill cerrig hyn. Mae'r cam hwn o'r gwaith yn cynnwys cloddio cyfres o byllau prawf - tyllau 1m sgwâr - i ymchwilio’r raddfa o waith cynhyrchu bwyeill.

Bydd y gwaith yn cael ei wneud gan y gwirfoddolwyr o dan oruchwyliaeth archaeolegwyr.

Arweinwyr sesiynau
John Roberts, Archeolegydd Awdurdod Parc Cenedlaethol Eryri
Jane Kenney, Archeolegydd Ymddiriedolaeth Archaeolegol Gwynedd

Nid oes angen profiad
Mae’r holl offer yn cael ei ddarparu
Addas i 18+
Ar hyn o bryd nid ydym yn gallu cynnig lleoedd i rai dan 18 oed.
Am ddim

Noddwyr y digwyddiad
Mae'r digwyddiad hwn yn cael ei gefnogi gan Ymddiriedolaeth Archaeolegol Gwynedd, Cadw a Chronfa Treftadaeth Y Loteri Genedlaethol.