Marchogaeth ceffylau ym Mharc Cenedlaethol Eryri

Gellir reidio’r rhan fwyaf o lwybrau ceffylau sydd ar gael drwy gydol y flwyddyn ond cadwch at y llwybrau cyfreithiol dynodedig. Nodwch yn garedig y bydd da byw o gwmpas y lle yn y gwanwyn fel defaid gydag ŵyn, gwartheg gyda lloi a geifr gwyllt felly cymerwch ofal dyledus. Os oes gennych ganiatâd i reidio o fewn tir mynediad agored, yna cymerwch ofal i osgoi ardaloedd gydag adar yn nythu ar y ddaear rhwng  Mawrth a Gorffennaf.

Mae’r parc yn cynnig 1,377 cilomedr o lwybrau sy’n agored i farchogaeth ceffylau, ond mae eu cyflwr yn amrywio ar hyd a lled yr ardal. Mae’r llwybrau hyn yn croesi tir amrywiol, gyda rhai yn fwy addas nag eraill. Mae llawer yn llwybrau hanesyddol, fel yr Hen A5 yn Ogwen a Sarn Helen. Ein llwybr poblogaidd mwyaf priodol yw Lôn Gwyrfai sy’n llwybr oddi ar y ffordd 4 1/2 milltir o hyd rhwng pentrefi Beddgelert a Rhyd Ddu. Nodwch fod parcio talu ac arddangos yn daladwy ar bob pen i’r llwybr.

Mae llwybrau ceffylau wedi’u marcio â saethau glas ar gefndir gwyn, ond rydym bob amser yn argymell eich bod yn cario ac yn defnyddio map Arolwg Ordnans. Cadwch eich map mewn cas fel eich bod yn gallu ei ddarllen yn hawdd a marciwch eich llwybr ymlaen llaw. Mae dod â chwmpawd a chwiban yn hanfodol; gwiriwch eich cyfeiriad yn aml a nodwch dirnodau i aros ar y trywydd iawn.

Ar y map maent wedi’u marcio â llinell doredig hirach.

Tir meddal, corsiog yw’r perygl mwyaf cyffredin. Chwiliwch am fawn tywyll gwlyb ac osgowch ardaloedd mwsoglyd gwyrdd llachar. Os bydd eich ceffyl yn suddo, disgynnwch oddi arno ar unwaith a’i annog i ryddhau ei hun. Ar dir heb ei dracio, dilynwch lwybrau defaid ac osgowch glaswellt llliw coch sy’n dynodi corsydd. Mae plu’r gweunydd yn arwydd da arall o dir anaddas. Am gyngor pellach, ewch i weld gwefan Cymdeithas Ceffylau Prydain.

• Gall adar sy’n bwydo ar y ddaear fel y grugiar, y gïach a’r cyffylog ddychryn ceffylau.
• Gall sgri rhydd a slabiau creigiau fod yn anodd a gafael/grip cyfyngedig, yn enwedig i geffylau â phedolau. Disgynnwch ac arwain eich ceffyl ar dennyn os oes angen.
• Gall gwyntoedd cryfion a gwelededd gwael wneud reidio’n beryglus. Gwiriwch y rhagolygon ymlaen llaw. Byddwch yn barod i droi’n ôl bob amser.
• Byddwch yn ofalus mewn ardaloedd coedwigaeth lle mae eich llinell olwg, os yw’n gyfyngedig – efallai y byddwch yn dod ar draws beicwyr/beicwyr mynydd yn symud yn gyflym ar hyd llwybrau a rennir.
• Mae gan ein llwybrau ceffylau a hyrwyddir ddigon o leoedd parcio ar gyfer trelars/cario ceffylau ar gyfer llwytho a dadlwytho’n hawdd yn ein meysydd parcio, fodd bynnag, nodwch nad oes lleoedd parcio dynodedig yn benodol ar gyfer hyn.

• Gadewch y gatiau fel y dewch o hyd iddynt a gwnewch yn siŵr nad ydych chi’n rhwystro un gyda’ch cerbyd.
• Argymhellir y dull “O’r sodlau i’r colynnau” fel y dull mwyaf diogel o groesi drwy giât ar gefn ceffyl .
• Efallai na fydd modd defnyddio’r dull sodlau i golynau os oes llawer o le o amgylch y giât. Gall hyn fod oherwydd safle’r giât, y pyst, neu lystyfiant sydd wedi gordyfu. Os yw giât yn anniogel neu’n anaddas, rhowch wybod i ni amdani.

Adrodd ynghylch problem ar Hawliau Tramwy Cyhoeddus