Rhoi Rhodd i Barc Cenedlaethol Eryri

Bydd rhoi rhodd i waith cadwraeth yn y Parc Cenedlaethol yn sicrhau y bydd prosiectau cadwraeth hanfodol yn ffynu ar draws Eryri. Mae rhan o waith cadwraeth diweddaraf Awdurdod y Parc Cenedlaethol yn cynnwys plannu coed, adfer mawndiroedd a pori cynaliadwy.

Gwaith cadwraeth
Adran Cadwraeth, Coed ac Amaeth

Bydd rhoi rodd tuag at dîm Wardeiniaid a Mynediad Awdurdod y Parc Cenedlaethol yn cefnogi’r gwaith hanfodol o gynnal a chadw llwybrau yn ogystal a materion mynediad cefn gwlad.

Wardeiniaid Parc Cenedlaethol Eryri
Adran Wardeiniaid a Mynediad

Mae hanes a threftadaeth gyfoethog Eryri yn un o’r agweddau niferus sy’n gwneud y Parc Cenedlaethol yn unigryw. Mae Awdurdod y Parc Cenedlaethol wedi ymrwymo i warchod a dathlu’r agwedd arbennig hon. Bydd eich rhodd yn mynd tuag at waith hanfodol yn Yr Ysgwrn a phrosiectau cadwraeth treftadaeth eraill megis Partneriaeth Tirwedd y Carneddau.

Hanes a Threftadaeth Eryri
Adran Gynllunio a Threftadaeth Diwylliannol

Plas Tan y Bwlch yw canolfan astudio swyddogol y Parc Cenedlaethol. Mae Cyfeillion Tan y Bwlch yn elusen cofrestredig sy’n darparu cyllid ar gyfer gwelliannau parhaus i’r ganolfan a gwaith ymchwil ar brosiectau amgylcheddol lleol.

Plas Tan y Bwlch

Bob blwyddyn, mae cannoedd o wirfoddolwyr yn cynnig eu hamser i helpu i warchod Eryri—gan gynorthwyo’r gwaith o gasglu sbwriel, plannu coed a wardeinio. Bydd rhodd tuag at waith gwirfoddoli Awdurdod y Parc Cenedlaethol yn sicrhau y gall gwirfoddolwyr barhau i chwarae rhan wrth warchod Eryri am genedlaethau i ddod.

Gwirfoddoli

Mae sicrhau bod Eryri yn ffynnu yn gynaliadwy yn un o nodau allweddol Awdurdod y Parc Cenedlaethol. Bydd rhoi arian tuag at fentrau cynaliadwyedd yn cefnogi gwaith megis mentrau teithio carbon niwtral, twristiaeth gynaliadwy a seilwaith cynaliadwy ar draws Eryri.

Gweithio mewn Partneriaeth

Ansicr o le i gyfeirio eich rhodd? Mae croeso i chi wneud rhodd cyffredinol i Awdurdod y Parc Cenedlaethol. Bydd eich rhodd yn mynd tuag gefnogi gwaith sy’n gwarchod a gwella Eryri.

Darganfod y Parc Cenedlaethol

Mae’r Ysgwrn yn un o drysorau’r Parc Cenedlaethol. Roedd yn gartref i un o feirdd enwocaf Cymru, Hedd Wyn. Mae ei stori drasig yn rhan gynhenid o hanes barddol Cymru.

Bydd eich cyfraniad yn mynd tuag at sicrhau bod drysau’r Ysgwrn yn cael eu cadw ar agor am genedlaethau i ddod.

Yr Ysgwrn

Mae Awdurdod y Parc Cenedlaethol yn cynnig yr opsiwn i logi sgwteri symudedd oddi ar y ffordd, fel Trampers, yn rhad ac am ddim gan sicrhau bod cefn gwlad Eryri yn hygyrch i bawb.

Bydd eich cyfraniad yn mynd tuag at y gwaith o gynnal y sgwteri symudedd.

Mynediad i Bawb