Mae gan bob Parc Cenedlaethol yng Nghymru, yr Alban a Lloegr restr o ‘Rhinweddau Arbennig’ – y rhinweddau sy’n gwneud pob parc yn unigryw. Mae’r rhinweddau hyn wrth wraidd yr hyn y mae’n ei olygu i fod yn Barc Cenedlaethol. Mae naw Rhinwedd Arbennig Eryri yn dangos beth sydd angen ei warchod a’i wella.
Mae Eryri’n cynnwys tirweddau a threfedd amrywiol, o’r môr i’r mynydd. Mae’n un o’r ychydig leoedd yn y byd lle gallwch chi brofi’r holl amgylcheddau hyn o fewn pellter mor agos i’w gilydd.
Ymdeimlad cadarn o hunaniaeth gymunedol fywiog sy’n cyfuno i roi ymdeimlad cryf o berthyn yn y 24 pentref a phum tref yn Eryri.
Mae bywiogrwydd y Gymraeg yn Eryri yn amlwg gan mai dyma’r iaith o ddewis mewn nifer o amgylchiadau proffesiynol a chymdeithasol.
Mae Eryri wedi ysbrydoli peth o ddiwylliant, llên gwerin, llenyddiaeth a cherddoriaeth fwyaf nodedig y genedl.
Mae llonyddwch yn dal i fodoli mewn sawl rhan o Eryri. Yn ystod y dydd gallwch archwilio’r mynyddoedd mawr anghysbell a garw, ac yn y nos mwynhewch yr awyr dywyll dan y sêr.
Yn Eryri ceir cyfleoedd helaeth yn ymwneud â gweithgareddau hamddena a dysgu ar gyfer pobl o bob oed a gallu.
Mae tirweddau Eryri wedi cael eu llunio gan ganrifoedd o weithgarwch dynol. Mae hanes, traddodiadau a ffyrdd o fyw yn cael eu hadlewyrchu mewn henebion, safleoedd, adeiladau, patrymau aneddiadau, caeau ac enwau lleoedd.
Mae Eryri wedi’i chreu drwy stori gymhleth o gyfandiroedd yn gwrthdaro, llosgfynyddoedd, ffurfio mynyddoedd, newidiadau yn y môr a rhewlifiant.
Mae 17 Gwarchodfa Natur Genedlaethol yn Eryri a 56 Safle o Ddiddordeb Gwyddonol Arbennig—prawf o’r bioamrywiaeth aruthrol sy’n cael ei adlewyrchu yn y tirwedd amrywiol.
Dysgwch am Rinweddau Arbennig Eryri
Mae Cynllun Llysgennad Eryri yn cynnwys modiwl ar bob un o Rinweddau Arbennig Eryri. Darganfyddwch beth sy’n gwneud yr ardal yn unigryw.