Gwirfoddoli

Amser o’r flwyddyn: Haf

Ymunwch â thîm Caru Eryri yr haf hwn i helpu i gadw Eryri yn eithriadol i bawb ei fwynhau. Byddwn yn gweithio ar rhai o lwybrau poblogaidd Eryri gan gadw’r amgylchedd yn glir o sbwriel ac yn ymgysylltu â’r cyhoedd gan roi cyngor ar lwybrau a’r cod cefn gwlad.

Cofrestrwch nawr (Uniaith Saesneg)

Amser o’r flwyddyn: Rhagfyr – Mawrth

Drwy gydol misoedd y gaeaf byddwn yn cynnal llawer o ddiwrnodau plannu coed a gwrychoedd ar draws y Parc Cenedlaethol. Ffordd wych o wrthbwyso rhywfaint o’ch ôl troed carbon a helpu i ofalu am ein planed am flynyddoedd i ddod.

Amser o’r flwyddyn: Mawrth – Hydref

Mae Wardeiniaid Gwirfoddol yn cynorthwyo wardeniaid Awdurdod y Parc Cenedlaethol i ofalu am Eryri, gan gynnwys cynnal a chadw llwybrau, codi sbwriel a darparu gwybodaeth i ymwelwyr.

*NODWCH os gwelwch yn dda nad oes gennym le i dderbyn Wardeiniaid Gwirfoddol newydd ar hyn o bryd. Cadwch olwg ar y dudalen yma, ond yn y cyfamer efallai yr hoffech ystyried ymuno â chynllun gwirfoddoli Caru Eryri (gwelwch uchod).

Cynllun Wardeinaid Gwirfoddol

Amser o’r flwyddyn: Gwanwyn – Hydref

Ymunwch â’r tîm gwych o wirfoddolwyr sydd yn cadw’r ‘drws ar agor’ yn Yr Ysgwrn.

Wrth barhau i rannu negeseuon oesol cartref Hedd Wyn am ryfel, diwylliant a chymuned, byddwn yn gallu croesawu ymwelwyr o bell ac agos i Drawsfynydd.

Dyw diwrnod o wirfoddoli ddim yn unig yn egwyl o’r swyddfa – mae’n gyfle i’ch tîm gryfhau bondiau wrth wneud cyfraniad ystyrlon i Barc Cenedlaethol Eryri. Drwy gymryd rhan mewn gweithgareddau cadwraeth ymarferol, bydd eich tîm yn helpu i wella harddwch naturiol y parc, gan hefyd chwarae rhan mewn gwarchod Eryri ar gyfer cenedlaethau’r dyfodol.

Rydym yn cynnig amrywiaeth o gyfleoedd gwirfoddoli sy’n newid gyda’r tymhorau. Gall gweithgareddau gynnwys:

• Clirio llystyfiant
• Plannu coed a gwrychoedd
• Cynnal a chadw llwybrau troed
• Casglu sbwriel
• Rheoli rhywogaethau ymledol
• Rheoli coetiroedd

Mae diwrnod arferol o wirfoddoli corfforaethol yn dechrau am 10:00yb ac yn gorffen am 3:00yp, gan gynnwys egwyl ginio (nodwch nad yw cinio’n cael ei ddarparu).

Y gost ar gyfer Diwrnod Gwirfoddoli Corfforaethol yw £500 ar gyfer hyd at 15 o gyfranogwyr. Mae’r arian yn mynd yn uniongyrchol tuag at ein mentrau cadwraeth barhaus ac yn sicrhau cynaliadwyedd ein rhaglenni gwirfoddoli.

I drafod eich gofynion neu i wneud cais i drefnu eich diwrnod o wirfoddoli gyda ni, llenwch y ffurflen isod.

Edrychwn ymlaen at groesawu’ch tîm i Barc Cenedlaethol Eryri am ddiwrnod gwerth chweil o wirfoddoli, meithrin cydberthnasau, a gwneud gwahaniaeth cadarnhaol i’n hamgylchedd.