Gallu natur i wella ein lles
Mae mynd allan i fyd natur yn un o’r ffyrdd niferus y gallwn wella ein llesiant. Gall fod yn fuddiol i’n hiechyd corfforol yn ogystal a’n hiechyd meddwl.
Mae ymchwil yn awgrymu fod pobl sy’n teimlo cysylltiad cryfach â natur yn tueddu i fyw bywydau hapusach. Datgelodd astudiaeth ar fanteision byd natur i les meddwl gan y Sefydliad Iechyd Meddwl fod 49% o bobl yn dweud fod bod yn agos at natur yn eu helpu i ymdopi â straen.
Sut mae natur yn gwella ein lles?
Yn ôl ymchwil, mae bod ym myd natur yn hybu teimladau o lonyddwch a thawelwch mewnol. Mae’r teimladau hyn yn eu tro yn rhyddhau hormonau fel ocsitosin, sef hormonau sy’n gwneud i ni deimlo’n fwy hamddenol a bodlon.
Mae astudiaethau i’r arfer shinrin-yoku o Japan, sef yr arfer o ‘ymdrochi’ yn y goedwig, wedi cadarnhau’r ymdeimlad o dawelwch all fyd nautr ei gynnig i ni, gyda manteision i iechyd corfforol a meddyliol.
Sut i gael anturiaeth meddylgar yn Eryri
Gall bod yn feddylgar yn ystod ein hanturiaethau yn Eryri olygu defnyddio egwyddorion ymwybyddiaeth ofalgar arsylwi ac ymwybyddiaeth. Gallwn sylwi pan fydd y meddwl yn dechrau crwydro, sylwi ar symudiad ein corff wrth i ni gymryd cam neu sylwi ar synau’r coed yn ystod taith hamddenol. Drwy fod yn ymwybodol o’n hemosiynau ac i ble mae ein sylw’n crwydro, gallwn ddechrau ymarfer ffyrdd o ddwyn ein sylw at y presennol a gwerthfawrogi’r foment yr ydym ynddi ar hyn o bryd.
Mae Gwenan Roberts yn ymarferydd ymwybyddiaeth ofalgar gyda blynyddoedd o brofiad. Gwyliwch y fideo isod i weld Gwenan yn dweud wrthym am fanteision mynd allan i fyd natur.
