Mae Eryri yn adnabyddus am ei dirwedd, hanes a bywyd gwyllt. Ond hefyd mae’n cael ei adnabod fel ardal gyda thywydd anghyson. Caiff Eryri dros 3000mm o law bob blwyddyn, felly mae cynllunio gweithgaredd o dan do yn angenrheidiol. Dyma rai awgrymiadau o bethau i’w gwneud pan nad ydi’r tywydd yn wych y tu allan.
Ymweld ag un o safleoedd hanesyddol Eryri
Un o briodoleddau mwyaf unigryw Eryri yw ei gyfoeth o safleoedd hanesyddol sydd wedi eu gwasgaru ar draws y dirwedd. O’i gestyll uchel i’w treftadaeth ddiwydiannol gwasgarog, mae Eryri wedi bod yn gefnlen i ddiwydiannau o bwys rhyngwladol ac yn ganolbwynt i gyfnodau mawr yn hanes Cymru.
Tra bod nifer o safleoedd hanesyddol Eryri, fel ei gestyll ac adfeilion diwydiannol yn fenter i’w wneud yn yr awyr agored, mae dal gwerth ymweld â nhw mewn glaw mân. Does dim i guro crwydro o amgylch un o gestyll Edward fel Harlech ar ddiwrnod o wanwyn- gan gymryd i mewn rhai o’r golygfeydd o’r darnau rhyfeddol hyn o hanes.. Mae safleoedd hanesyddol eraill fel Amgueddfa Lechi Cymru gan fwyaf o dan do a gwerth ymweld ar ddiwrnod glawog.
![Harlech castle entrance](https://eryri.llyw.cymru/wp-content/uploads/2023/11/Harlech-Castle-scaled.jpg)
![Aerial photo of the National Slate Museum, Llanberis](https://eryri.llyw.cymru/wp-content/uploads/2024/01/National-Slate-Museum-RCAHMW-DS2007_417_004-scaled.jpg)
![Aerial photo of Dolbadarn Castle with Llyn Peris reaching to the distance](https://eryri.llyw.cymru/wp-content/uploads/2022/02/DJI_0486.jpg)
Eistedd mewn tafarn neu gaffi cysurus i ddarllen
Mae gan Eryri ddigonedd o dafarndai a chaffis sy’n cael eu rhedeg yn lleol i ymlacio ac yn lloches i’r teithiwr tywydd gwlyb. Hefyd, mae gan yr ardal arbennig yma o Gymru nifer anhygoel o lenyddiaeth unai wedi ei ysgrifennu amdano neu wedi ei seilio yn yr ardal. Pa ffordd well na treulio p’nawn soclyd mewn gaffi neu dafarn lleol, o flaen tanllwyth o dân ac ymbleseru yn llên arbennig yr ardal.
![](https://eryri.llyw.cymru/wp-content/uploads/2024/01/Llyfrau-Cerdded.png)
![](https://eryri.llyw.cymru/wp-content/uploads/2022/03/Welsh-in-Your-Pocket.jpeg)
![Blodeuwedd poses on a boulder by the side of a stream.](https://eryri.llyw.cymru/wp-content/uploads/2023/07/Blodeuwedd-landscape-dim-text.jpg)
Cefnogwch fusnes lleol
Mae gan Eryri gyfoeth o siopau yn ei threfi a phentrefi mewn perchnogaeth annibynol ac yn werth crwydro o’u hamgylch ar ddiwrnod glawog. Maent yn cynnig cynnyrch lleol o fwyd, diod a nwyddau yn ogystal â mapiau lleol i gynllunio eich taith nesaf. Mae ein Canolfannau Croeso ym Meddgelert a Betws y Coed ar agor drwy’r flwyddyn ac mae ein canolfan yn Aberdyfi ar agor drwy fisoedd yr haf ac yn le perffaith i ddysgu beth sydd yn gwneud Eryri mor arbennig yn ogystal â chael gwybodaeth leol.
![A view of the bridge at the centre of Beddgelert in the summer.](https://eryri.llyw.cymru/wp-content/uploads/2023/05/Pont-Beddgelert-2-©VW.jpg)
![The Llugwy river runs through the village of Betws y Coed with stone houses on either side.](https://eryri.llyw.cymru/wp-content/uploads/2023/05/Betws-Y-Coed-3.jpg)
![A view](https://eryri.llyw.cymru/wp-content/uploads/2022/02/Stryd-Fawr-Harlech-1000-pix.jpeg)
![](https://eryri.llyw.cymru/wp-content/uploads/2023/02/Stryd-Fawr-Y-Bala-©APCE_SNPA.jpg)