Sefydlwyd y rhaglen grant ‘Lleoedd Lleol ar gyfer Natur’ yn 2020 i greu ‘natur ar garreg eich drws’ er mwyn:
Ymroi i adfer byd natur yn Eryri
Mae’r Bartneriaeth wedi’i sefydlu i ddod â’r holl bartneriaid allweddol ynghyd i weithio ar gadwraeth ac adfer natur ym Mharc Cenedlaethol Eryri mewn ymateb i’r argyfwng natur byd-eang. Mae’r Bartneriaeth hon yn cydlynu, hyrwyddo a chofnodi gweithredoedd presennol a newydd i warchod a gwella natur yn Eryri.
Mae aelodau Partneriaeth Natur Eryri wrthi’n gweithio gyda’i gilydd i greu Cynllun Gweithredu Adfer Natur ar gyfer Eryri. Mae’n gyfle i bawb sy’n ymwneud â rheoli a siapio dyfodol amgylchedd naturiol Eryri i atgyfnerthu eu dull o weithio ar y cyd yn y rhanbarth a thu hwnt.
Mae’r Bartneriaeth yn cynnwys unigolion, sefydliadau, cofnodwyr a grwpiau cymunedol a bywyd gwyllt sydd â gwybodaeth helaeth am fywyd gwyllt ac amgylchedd naturiol Parc Cenedlaethol Eryri.
Gallwch weld y rhifyn diweddaraf yma:
Sut y gallaf i helpu byd natur yn fy ardal?
Gall parciau, gerddi, tiroedd ysgolion, gofodau cymunedol a busnesau i gyd gynnig rhywbeth i natur a, thrwy wneud hynny, gallant ddod â phobl at ei gilydd – gan greu cymunedau iachach, mwy cysylltiedig.
Byddwch yn rhan o’r gymuned natur
Gallwch wneud cyfraniad i natur yn eich ardal mewn llawer o ffyrdd, beth bynnag fo’ch man cychwyn, eich ymrwymiad o ran amser neu eich diddordeb. Mae cyfleoedd ar gael i bob oedran a gallu – nid oes angen unrhyw wybodaeth flaenorol, dim ond eich brwdfrydedd ac ychydig o’ch amser.
Dyma rai enghreifftiau:
- Garddio bywyd gwyllt – mae tyfu planhigion sy’n denu pryfed peillio yn ffordd hawdd o helpu natur
- Bwydo’r adar a gosod blwch nythu
- Sylwi ar yr hyn rydych yn ei weld a’i bostio ar y cyfryngau cymdeithasol
- Ymuno â grŵp Cyfeillion Natur lleol sy’n gofalu am barc neu fan gwyrdd lleol
- Gwirfoddoli i helpu elusen natur
- Cofnodi’r planhigion a’r anifeiliaid a welwch yn eich gardd neu pan fyddwch allan yn crwydro a’u rhannu ar ap LERC Wales.
Os oes gennych syniadau am brosiect yn eich cymuned chi, cysylltwch â Chydlynydd Partneriaeth Natur Eryri i drafod eich syniadau ymhellach.
Cyswllt
Cysylltwch â chydlynydd Partneriaeth Natur Eryri i ddarganfod mwy am y Bartneriaeth a sut y gallwch chi helpu byd natur yn Eryri.
Awel Jones
Swyddog Bioamrywiaeth (Partneriaethau) – Cydlynydd Partneriaeth Natur Eryri
Awdurdod Parc Cenedlaethol Eryri
Penrhyndeudraeth
Gwynedd
LL48 6LF
E-bost: bioamrywiaeth@eryri.llyw.cymru
