Taith gerdded gylchol sy’n mynd drwy tirweddau eiconig Harlech — o furiau’r castell i olygfeydd arfordirol hudolus
Wedi’i gosod yn erbyn cefndir dramatig copaon Eryri a golygfeydd gwych ar draws Bae Ceredigion, mae Taith Branwen yn eich arwain drwy rai o olygfeydd mwyaf eiconig y dref.
Gyda Chastell Harlech trawiadol wrth ei chalon, mae’r llwybr cylchol hwn yn cyfuno hanes cyfoethog, golygfeydd arfordirol godidog a llwybrau heddychlon i greu profiad cerdded unigryw.
Pam y llwybr hwn?
Mae’r daith hon wedi’i henwi ar ôl Branwen, ffigwr chwedlonol o’r Mabinogion, ac mae’n eich gwahodd i gamu trwy amser wrth i chi archwilio tirweddau dramatig a ysbrydolodd straeon hynafol.
Er ei bod yn gymedrol o ran anhawster, mae’r llwybr yn gwobrwyo pob cam gyda golygfeydd bythgofiadwy.
Ⓗ Hawlfraint y Goron a hawliau cronfa ddata Arolwg Ordnans AC0000825604. Mae defnydd o’r data yma’n amodol ar delerau ac amodau.
Mae Awdurdod Parc Cenedlaethol Eryri wedi categoreiddio’r llwybr hwn fel llwybr cymedrol. Mae’n addas ar gyfer pobl sydd â rhywfaint o brofiad cerdded cefn gwlad a lefel rhesymol o ffitrwydd. Bydd y tir yn cynnwys rhai llwybrau serth a bydd rhannau yn y cefn gwlad agored yn ddiwyneb. Mae esgidiau cerdded a dillad dal dŵr yn hanfodol.
Start / Finish
Maes Parcio Ffordd Glan Môr Car Park, Harlech. LL46 2UG (Cyngor Gwynedd)
Map Perthnasol
Arolwg Ordnans Explorer OL18 (Harlech, Porthmadog a’r Bala)
Cofiwch rhaid parcio mewn ardaloedd parcio dynodedig a pheidiwch byth â pharcio mewn llefydd sydd yn rhwystro mynediad i gaeau neu ardaloedd preswyl.
Maes Parcio
Maes Parcio Ffordd Glan Môr, Harlech. LL46 2UG (Cyngor Gwynedd)
Ffi parcio haf:
£1.55 Hyd at 2 awr
£3.10 Hyd at 4 awr
£7.70 Hyd at 12 awr
£15.40 Hyd at 24 awr
Ffi parcio gaeaf:
£1.55 Hyd at 2 awr
£3.10 Hyd at 4 awr
£4.60 Hyd at 12 awr
£9.25 Hyd at 24 awr
Toiledau cyhoeddus ar gael yn y maes parcio hwn.
Byddwch yn ddiogel a helpwch i warchod cefn gwlad trwy ddarllen y wybodaeth am ddiogelwch a dilyn y Côd Cefn Gwlad.
Branwen ferch Llŷr
Mae Branwen ferch Llŷr yn un o brif gymeriadau’r ail chwedl ym Mhedair Cainc y Mabinogi. Mae’r chwedl epig hon o frad a chenfigen yn dechrau pan ddaw Matholwch, Brenin Iwerddon, i Harlech i briodi Branwen.
Gallwch ddysgu mwy am y Mabinogi yn yr adran Mytholeg a Llên Gwerin ar ein gwefan.
Bwyd a diod yn Harlech
Ar ôl cerdded Llwybr Branwen neu fwynhau awyr y môr a’r mynydd, mae digon o lefydd gwych yn Harlech i ail-lenwi eich egni. P’un a ydych yn chwilio am gaffi clyd am goffi a chacen, neu dafarn draddodiadol sy’n gweini prydau calonnog a chwrw lleol, mae rhywbeth at ddant pawb.
Castell Harlech
Dyma un o nifer o gestyll a adeiladodd Edward I yn ystod ei wrthryfel yn erbyn tywysogion Cymru. Fe gomisiynwyd y pensaer milwrol, Meistr James o St George, i adeiladu’r castell ac mae dyluniad ‘waliau o fewn waliau’ y pensaer yn un o’r rhai symlaf o gestyll Edward yng Nghymru. Mae’n debygol fod symlrwydd y dyluniad yn deillio o’r ffaith fod y llethrau serth a chreigiog sy’n amgylchynu’r castell yn cynnig amddiffynfa naturiol ragorol. Ym 1986, grwpiwyd y cestyll a adeiladwyd gan Edward yng Nghymru i greu Safle Treftadaeth y Byd UNESCO, ac mae Harlech yn un ohonynt sy’n parhau i ddenu miloedd o ymwelwyr hyd heddiw.
Gallwch ddarllen mwy am Gastell Harlech ar ein gwefan yma.
Ymweld â Chastell Harlech
Mae rhagor o wybodaeth ynglŷn ag ymweld â Chastell Harlech ar gael ar wefan Cadw.