Gall pob un ohonom chwarae rhan wrth warchod Eryri am genedlaethau i ddod.
Sicrhau dyfodol cynaliadwy i Eryri am genedlaethau i ddod
Gall pob un ohonom gyfrannu tuag at ddyfodol cynaliadwy i’r Parc Cenedlaethol. Mae chwarae rhan mewn gwarchod ardal mor arbennig ag Eryri yn gallu bod yn brofiad ysbrydoledig a gwneud i ni deimlo cysylltiad cryfach a’r byd naturiol o’n cwmpas.
Pwysigrwydd gwarchod Parc Cenedlaethol Eryri
Mae Parciau Cenedlaethol yn ardaloedd arbennig a phwysig. Mae oddeutu 20% o dir Cymru mewn Parc Cenedlaethol.
Dim ond yn weddol ddiweddar y daeth Parciau Cenedlaethol yn rhan o dirwedd Cymru. Dynodwyd Eryri yn Barc Cenedlaethol ym 1951.
Mae pwysigrwydd Eryri yn cael ei adnabod ar draws y byd.
- Cynefin i rywogaethau a bywyd gwyllt
Mae 17 Gwarchodfa Natur Genedlaethol yn Eryri—mwy nag mewn unrhyw barc cenedlaethol arall yng Nghymru a Lloegr. Yn ogystal, mae 56 Safle o Ddiddordeb Gwyddonol Arbennig. Mae’r gwarchodfeydd a’r safleoedd hyn yn hanfodol i rywogaethau sydd o bwysigrwydd rhyngwladol.
- Tirweddau hanfodol
Mae gan barciau cenedlaethol megis Eryri rhan bwysig i’w chwarae mewn lliniaru effeithiau newid hinsawdd. Mae mawndiroedd yn storfeydd carbon anhygoel. Mae 17 miliwn tunnell o garbon wedi ei storio ym mawndiroedd Eryri.
- Iechyd a lles
Mae iechyd a lles yn un o bynciau mwyaf y genhedlaeth bresennol. Drwy brofi a dod i gyswllt â natur mewn ardaloedd megis parciau cenedlaethol, gallwn wella ein iechyd a lles meddyliol a chorfforol.
![© Ben Porter](https://eryri.llyw.cymru/wp-content/uploads/2022/01/Chough-1.jpg)
![](https://eryri.llyw.cymru/wp-content/uploads/2022/01/Lichens-in-Llennyrch-Ben-Porter.jpg)
![](https://eryri.llyw.cymru/wp-content/uploads/2022/01/Maddwch-Trail-25.jpg)
![© Ben Porter](https://eryri.llyw.cymru/wp-content/uploads/2022/01/Large-Mason-bee-suspect-2-19th-May-2021.jpg)
![](https://eryri.llyw.cymru/wp-content/uploads/2024/05/DSC06925-scaled.jpg)
![](https://eryri.llyw.cymru/wp-content/uploads/2022/01/Carneddau-Ponies-4.jpg)
![](https://eryri.llyw.cymru/wp-content/uploads/2022/01/Coed-Felenrhyd-Llennyrch-19.jpg)
1/7
![Rho](https://eryri.llyw.cymru/wp-content/uploads/2022/02/shutterstock_172440410.jpg)
Heriau’r Parc Cenedlaethol
Rhai o brif heriau Parc Cenedlaethol Eryri yw newid hinsawdd, pwysau ymwelwyr a rhywogaethau ymledol. Mae Awdurdod Parc Cenedlaethol Eryri yn cyd-weithio â nifer o endidau eraill i daclo’r heriau hyn.
Rhagor am Heriau'r Parc Cenedlaethol
![A light-brown coloured highland cow with horns looks directly at the camera.](https://eryri.llyw.cymru/wp-content/uploads/2022/02/celtic-rainforests.jpg)
Gwaith Cadwraeth
Awdurdod Parc Cenedlaethol Eryri yw partner craidd nifer o brosiectau cadwraeth yn Eryri. Mae’r prosiectau hyn yn chwarae rhan enfawr yn y gwaith o warchod a gwella rhinweddau arbennig yr ardal.
Gweld gwaith cadwraeth
![](https://eryri.llyw.cymru/wp-content/uploads/2022/02/partnership-plan-hero-cy.png)
Cynllun Eryri
Cynllun sy’n nodi rhinweddau arbennig y Parc Cenedlaethol yw Cynllun Eryri. Y rhinweddau hyn sy’n gwneud Eryri yn le unigryw a phwysig. Mae’r Cynllun yn amlinellu ffyrdd o gydweithio i warchod y rhinweddau hyn.
Cynllun Eryri
![](https://eryri.llyw.cymru/wp-content/uploads/2022/06/20170603_102800782_iOS.jpg)
Cynllun Ceidwaid Ifanc
Mae Cynllun Ceidwaid Ifanc Awdurdod y Parc Cenedlaethol yn cynnig cyfle gwych i bobl ifanc ymgysylltu â rhinweddau arbennig ac unigryw Eryri.
Cynllun Ceidwaid Ifanc
![](https://eryri.llyw.cymru/wp-content/uploads/2024/03/Llanberis2-1.jpg)
Caru Eryri
Rhaglen wirfoddoli yw cynllun Caru Eryri sy’n cael ei redeg mewn partneriaeth â Chymdeithas Eryri, y Bartneriaeth Awyr Agored a’r Ymddiriedolaeth Genedlaethol. Nod y cynllun yw helpu i reoli’r effaith y mae nifer cynyddol o ymwelwyr yn ei chael yn y Parc Cenedlaethol.
Caru Eryri
![Warden yn Clirio Jac y Neidiwr - Warden clearing Himalayan Balsam](https://eryri.llyw.cymru/wp-content/uploads/2024/06/DSC03002-scaled.jpg)
Wardeniaid
Mae Wardeiniaid Parc Cenedlaethol Eryri yn aml yn gweithio ar reng flaen gwaith cadwraeth a gwarchod yn Eryri. Gall eu gwaith amrywio yn ddyddiol o ymgysylltu â chymunedau’r Parc Cenedlaethol i waith adfer tirweddau.
Wardeniaid y Parc Cenedlaethol
![A volunteer works on a stone path](https://eryri.llyw.cymru/wp-content/uploads/2022/02/IMG_20200819_094038284_HDR.jpg)
Gwirfoddoli
Mae cyfraniad amhrisiadwy gwirfoddolwyr yn gonglfaen i’r gwaith cadwraeth a gwarchod yn y Parc Cenedlaethol. Ceir amrywiaeth eang o gyfleoedd gwirfoddoli drwy gydol y flwyddyn.
Gwirfoddoli