Pam rhoi rhodd i Barc Cenedlaethol Eryri?
Gall rhoi rhodd i’r Parc Cenedlaethol fod yn brofiad gwerth chweil. Mae nifer o resymau dros gyfrannu tuag at Eryri, gan gynnwys:
- Fel rhan o ddigwyddiad codi arian neu elusennol
- Cefnogi’r gwaith o warchod Eryri ar gyfer cenedlaethau’r dyfodol
- Er cof am anwylyd
Cofiwch, nid oes rhaid i roddion i’r Parc Cenedlaethol fod yn ariannol, gallwch bob amser roi eich amser drwy ymuno â thîm ymroddedig o wirfoddolwyr Eryri.
Dewiswch achos
- Dewiswch achos
-
Gwaith CadwraethCefnogi cynlluniau a phrosiectau cadwraeth hanfodol -
Cerbydau Mynediad i'r AnablCyfraniad tuag at gynnal a chadw sgwteri symudedd oddi ar y ffordd -
TreftadaethCefnogi gwaith cadwraeth hanes a threftadaeth Eryri -
Cyfeillion Tan y BwlchCyfraniad tuag at Ganolfan Astudio'r Parc Cenedlaethol -
Gwaith GwirfoddolCefnogi gwaith hanfodol gwirfoddolwyr y Parc Cenedlaethol -
Gwaith CynaliadwyeddCyfraniad tuag at waith cynaliadwyedd y Parc Cenedlaethol -
Rhodd CyffredinolCyfraniad tuag at bob agwedd o'r Parc Cenedlaethol -
Yr YsgwrnCyfraniad at y gwaith hollbwysig o gadw drysau’r Ysgwrn ar agor -
Wardeiniaid a MynediadCyfraniad at waith cynnal a chadw llwybrau a mynediad i gefn gwlad
Gallwch nawr roi rhodd i achosion penodol o waith sy’n cael ei gynnal yn y Parc Cenedlaethol.
Mae Awdurdod y Parc Cenedlaethol yn cynnig yr opsiwn i logi sgwteri symudedd oddi ar y ffordd, fel Trampers, yn rhad ac am ddim gan sicrhau bod cefn gwlad Eryri yn hygyrch i bawb.
Bydd eich cyfraniad yn mynd tuag at y gwaith o gynnal y sgwteri symudedd.
Bydd rhoi rhodd i waith cadwraeth yn y Parc Cenedlaethol yn sicrhau y bydd prosiectau cadwraeth hanfodol yn ffynu ar draws Eryri. Mae rhan o waith cadwraeth diweddaraf Awdurdod y Parc Cenedlaethol yn cynnwys plannu coed, adfer mawndiroedd a pori cynaliadwy.
Bydd rhoi rodd tuag at dîm Wardeiniaid a Mynediad Awdurdod y Parc Cenedlaethol yn cefnogi’r gwaith hanfodol o gynnal a chadw llwybrau yn ogystal a materion mynediad cefn gwlad.
Wardeiniaid Parc Cenedlaethol Eryri
Adran Wardeiniaid a Mynediad
Mae hanes a threftadaeth gyfoethog Eryri yn un o’r agweddau niferus sy’n gwneud y Parc Cenedlaethol yn unigryw. Mae Awdurdod y Parc Cenedlaethol wedi ymrwymo i warchod a dathlu’r agwedd arbennig hon. Bydd eich rhodd yn mynd tuag at waith hanfodol yn Yr Ysgwrn a phrosiectau cadwraeth treftadaeth eraill megis Partneriaeth Tirwedd y Carneddau.
Hanes a Threftadaeth Eryri
Adran Gynllunio a Threftadaeth Diwylliannol
Plas Tan y Bwlch yw canolfan astudio swyddogol y Parc Cenedlaethol. Mae Cyfeillion Tan y Bwlch yn elusen cofrestredig sy’n darparu cyllid ar gyfer gwelliannau parhaus i’r ganolfan a gwaith ymchwil ar brosiectau amgylcheddol lleol.
Bob blwyddyn, mae cannoedd o wirfoddolwyr yn cynnig eu hamser i helpu i warchod Eryri—gan gynorthwyo’r gwaith o gasglu sbwriel, plannu coed a wardeinio. Bydd rhodd tuag at waith gwirfoddoli Awdurdod y Parc Cenedlaethol yn sicrhau y gall gwirfoddolwyr barhau i chwarae rhan wrth warchod Eryri am genedlaethau i ddod.
Mae sicrhau bod Eryri yn ffynnu yn gynaliadwy yn un o nodau allweddol Awdurdod y Parc Cenedlaethol. Bydd rhoi arian tuag at fentrau cynaliadwyedd yn cefnogi gwaith megis mentrau teithio carbon niwtral, twristiaeth gynaliadwy a seilwaith cynaliadwy ar draws Eryri.
Ansicr o le i gyfeirio eich rhodd? Mae croeso i chi wneud rhodd cyffredinol i Awdurdod y Parc Cenedlaethol. Bydd eich rhodd yn mynd tuag gefnogi gwaith sy’n gwarchod a gwella Eryri.
Mae’r Ysgwrn yn un o drysorau’r Parc Cenedlaethol. Roedd yn gartref i un o feirdd enwocaf Cymru, Hedd Wyn. Mae ei stori drasig yn rhan gynhenid o hanes barddol Cymru.
Bydd eich cyfraniad yn mynd tuag at sicrhau bod drysau’r Ysgwrn yn cael eu cadw ar agor am genedlaethau i ddod.
Gwybodaeth am roi rhodd i Awdurdod Parc Cenedlaethol Eryri
Defnyddir unrhyw roddion a dderbynnir trwy’r dudalen hon i hyrwyddo gwaith yr Awdurdod â’i bwrpasau a’i ddyletswydd statudol, sef:
Ein Pwrpasau Statudol:
- gwarchod a gwella harddwch naturiol, bywyd gwyllt a threftadaeth ddiwylliannol y Parc Cenedlaethol
- hyrwyddo cyfleoedd i’r cyhoedd ddeall a mwynhau nodweddion arbennig y Parc Cenedlaethol
Ein Dyletswydd Statudol:
- meithrin lles economaidd a chymdeithasol cymunedau o fewn y Parc Cenedlaethol
Gwybodaeth bellach
Am ragor o wybodaeth ynghylch rhoi rodd, cysylltwch â:
Angela Jones
Rheolwr Partneriaethau, Awdurdod Parc Cenedlaethol Eryri
angela.jones@eryri.llyw.cymru