Fedrwch chi helpu dyfodol byd natur yn Eryri?

Rydym yn cynnal digwyddiad rhannu gwybodaeth i helpu i ddatblygu Cynllun Gweithredu Adfer Natur (CGAN) Eryri. Bydd y digwyddiad hwn hefyd yn lansio’r cyfnod ymgynghori cyhoeddus ar gyfer y Cynllun hwn, ynghyd â chyfnod adolygu Cynllun Eryri – cynllun rheoli’r Parc Cenedlaethol.

Rydym yn eich gwahodd i alw heibio i Blas Tan y Bwlch unrhyw bryd rhwng 10:00am a 16:00pm ar 25 Mehefin i rannu eich barn a’ch syniadau ar sut i gynyddu amrywiaeth a helaethrwydd byd natur, a gwella gwytnwch ecolegol ledled Eryri.

Mae’r digwyddiad hwn yn agored i bawb sydd â diddordeb mewn adfer natur yn Eryri. Does dim angen archebu lle – galwch heibio unrhyw bryd. Bydd amrywiaeth o stondinau gan bartneriaid gwahanol sy’n gweithio i warchod cynefinoedd amrywiol ledled Eryri.

Beth i’w ddisgwyl?

Fel rhan o’r digwyddiad, bydd stondinau thematig yn cynrychioli wyth cynefin allweddol:

• Ucheldiroedd a Mawndiroedd
• Glaswelltiroedd
• Cynefinoedd Arfordirol
• Ffermdir
• Coedlannau
• Gwlypdiroedd, Pyllau, Llynnoedd ac Afonydd
• Awyr Dywyll
• Gerddi a Pharciau

Bydd y stondinau hyn yn cael eu cynnal gan bartneriaid amrywiol sy’n gweithio ar y cynefinoedd hyn yn Eryri. Yn ogystal â’r stondinau cynefinoedd, bydd stondin wybodaeth gyffredinol ar y CGAN a Phartneriaeth Natur Eryri, a bydd fideo’n cael ei ddangos wrth i bobl gyrraedd.

Nod y digwyddiad yw annog trafodaeth ynghylch y gwaith adfer natur sy’n digwydd ar hyn o bryd, nodi cyfleoedd ar gyfer gwaith pellach, ac archwilio’r heriau sy’n wynebu’r cynefinoedd hyn. Bydd yr adborth a dderbynnir yn cyfrannu at lunio cynlluniau gwella cynefinoedd yn dilyn lansiad swyddogol y CGAN.

Bydd lluniaeth ysgafn ar gael.

Methu mynychu ar y diwrnod?

Cynhelir sesiwn ar-lein ddydd Iau, 26 Mehefin 2025 am 7:00pm.

Cliciwch yma i gofrestru ar gyfer y sesiwn ar-lein.

Cadwch olwg am ragor o wybodaeth ar ein sianeli cyfryngau cymdeithasol.