Beth yw pris dŵr? Darganfyddwch drwy glywed hanes dirdynnol boddi Cwm Tryweryn.

Ysgol fach, llawn bwrlwm, gyda plant bendigedig, oedd Ysgol Celyn ym mhentre’ Capel Celyn. Martha Roberts oedd y Brifathrawes wnaeth gloi drws yr ysgol am y tro olaf ym mis Gorffennaf 1963.

Yng nghwmni Martha fe glywn ni'r stori am y daith o Gwm Celyn i Lerpwl; am y peiriannu mawr wnaeth chwalu waliau’r ysgol, ac am ymdrechion dewr y trigolion lleol. Ond er taw ofer fu’r ymdrech, daw gobaith ar ddiwedd y sioe wrth i Martha annog y plant i ddal yn dynn yn y stori, yn union fel wnaeth hi ddal ei gafael ar oriad Ysgol Celyn.

Mae'r sioe yma yn addas ar gyfer disgyblion Cyfnod Allweddol 2.

Pryd: 28/07/2024

Amser: 13:30yp - 15:00yh

Lleoliad: Yr Ysgwrn, Trawsfynydd LL41 4UW