Ymunwch â’n Wardeniaid Llyn Tegid, Simon ac Arwel, ar gyfer ein Taith y Mis. Bydd y daith yn cychwyn ym maes parcio Parc Cenedlaethol Eryri ger Llyn Tegid yn Y Bala. Byddwn yn dilyn llwybr ar hyd glannau Llyn Tegid, gan fynd heibio safle Prosiect Diogelwch Cronfa Ddŵr Llyn Tegid.

Bydd y llwybr yn dringo tua Chlwb Golff y Bala, gan fynd ymlaen i dir agored ac i fyny i gopa Moel Garnedd. Ar y copa, cewch eich gwobrwyo â golygfeydd godidog o Lyn Tegid, mynyddoedd yr Arenig, a Chader Idris.

Mae Awdurdod y Parc Cenedlaethol wedi categoreiddio’r daith hon fel llwybr heriol, sy’n addas ar gyfer cerddwyr profiadol gyda lefel dda o ffitrwydd yn unig. Cofiwch ddod ag offer cerdded priodol a gwisgo esgidiau cerdded cadarn!

Manylion y daith 

• Dyddiad: Dydd Sadwrn, 1af o Chwefror
• Amser cyfarfod: 9:30yb
• Lleoliad cyfarfod: Maes Parcio Llyn Tegid - Awdurdod Parc Cenedlaethol Eryri
• Amser: Tua 5 awr i gwblhau'r daith
• Hyd: 9km
• Cyfle am bicnic ar y ffordd; dewch â bwyd gyda chi!

Arweinydd y daith
Arwel Morris, Warden Ardal Llyn Tegid a Phenllyn, Awdurdod Parc Cenedlaethol Eryri
Simon Jones, Warden Llyn Tegid, Awdurdod Parc Cenedlaethol Eryri