Ymunwch â ni ar gyfer Taith Gerdded y Warden ym mis Ebrill 2025 gyda Bethan Jones, Warden Cynorthwyol Yr Wyddfa. Taith gerdded y mis hwn yw Cylchdaith Rhyd Ddu, a ddewiswyd gan Bethan am ei thirweddau trawiadol ac amrywiol.

Mae Cylchdaith Rhyd Ddu yn lwybr sydd wedi ei lleoli ar odre'r Wyddfa. Bydd y daith yn eich arwain ar hyd llwybr o amgylch Llyn y Gader- llyn sydd wedi’i ddynodi’n Safle o Ddiddordeb Gwyddonol Arbennig (SoDdGA). Yna byddwch yn dilyn y llwybr drwy goetir, gan ddychwelyd i odre'r Wyddfa. Mae'n lwybr gwych ar gyfer cerddwyr, beicwyr, a hyd yn oed marchogion, gyda golygfeydd godidog o Ddyffryn Gwyrfai a'r Wyddfa.

Am y daith:

Dyddiad: Ebrill 26ain

Amser cyfarfod: 10:00yb

Man Cychwyn/Diwedd: Maes parcio Parc Cenedlaethol Eryri, Rhyd Ddu

Gweld ar What 3 Words
Gweld ar Google Maps

Hyd: Tua 2.5 awr

Pellter: 6.25km / 3.8 milltir

Cyfleusterau: Mae toiledau yn y maes parcio, a gallwch ail-lenwi eich poteli dŵr yn yr orsaf ail-lenwi.

Graddfa: Mynediad i bawb

Gwybodaeth am raddfeydd llwybrau

Gweld map o'r daith