Mae tirweddau ucheldirol Eryri yn un o brif atyniadau’r Parc Cenedlaethol.
Mynyddoedd trawiadol, copaon uchel a golygfeydd diddiwedd
Does ryfedd fod Eryri yn cael ei hadnabod fel paradwys i’r cerddwyr a’r crwydrwyr. Mae yma 9 cadwyn o fynyddoedd a 15 copa uwchlaw 3,000 troedfedd.
Mae tirwedd Eryri wedi datblygu a ffurfio dros filiynau o flynyddoedd drwy ddigwyddiadau daearegol anghredadwy
Mae tirwedd Eryri yn stori dditectif, ddaearegol gymhleth. Bu yma gyfandiroedd yn gwrthdaro, llosgfynyddoedd yn ffrwydro a rhewlifoedd yn cerfio’r tir dan draed.
Y digwyddiadau daearegol yma sy’n gyfrifol am dirlun syfrdanol Eryri.
Bywyd Gwyllt Ucheldiroedd Eryri
![Snowdon Lily](https://eryri.llyw.cymru/wp-content/uploads/2022/02/IMG_3119.jpg)
Lili’r Wyddfa
Rhywogaeth fwyaf adnabyddus Parc Cenedlaethol Eryri. Mae Lili’r Wyddfa yn blanhigyn blodeuog prin iawn sydd yn tyfu mewn mannau ucheldirol.
![Wild foal on the carneddau](https://eryri.llyw.cymru/wp-content/uploads/2022/01/Carneddau-Ponies-17.jpg)
Merlod Gwyllt
Mae gweld merlod gwyllt yn Eryri yn brofiad arallfydol. Mae oddeutu 300 ohonynt yn byw mewn ardal o 20 milltir sgwâr.
![Wild goat picks on berries](https://eryri.llyw.cymru/wp-content/uploads/2022/01/Goats-21.jpg)
Geifr mynydd gwyllt
Gall geifr gwyllt Eryri ddringo clogwyni anhygoel o serth. Mae’n debyg eu bod wedi crwydro ucheldiroedd Eryri ers canrifoedd.
![Two red-billed choughs in flight](https://eryri.llyw.cymru/wp-content/uploads/2022/01/Chough-1.jpg)
Frân Goesgoch
Y frân goesgoch yw’r math prinnaf o frân sy’n magu ym Mhrydain. Mae fwy neu lai’r un maint â jac-y-do. Mae ganddi big a choesau coch sy’n ei gwahaniaethu o weddill teulu’r frân.
![The beatiful rainbow leaf beetle](https://eryri.llyw.cymru/wp-content/uploads/2022/03/shutterstock_551934580.jpg)
Chwilen Yr Wyddfa
Dyma rywogaeth hynod brin sydd ond i’w weld ar rhai o lethrau’r Wyddfa. Mae adlewyrchiad golau ar gragen y chwilen yma’n arwain at gymysgedd o liwiau syfrdanol.
![Peregrine Falcon in flight](https://eryri.llyw.cymru/wp-content/uploads/2022/01/Peregrine-Falcon.jpg)
Yr Hebog Tramor
Yr Hebog Tramor yw’r mwyaf o deulu’r hebogiaid. Gall gyrraedd 200 milltir yr awr wrth wibio drwy’r awyr i ddal adar bychain.
![Ring ouzel](https://eryri.llyw.cymru/wp-content/uploads/2022/01/Ring-Ouzel-2.jpg)
Mwyalchen y Mynydd
Aderyn yr ucheldir yw Mwyalchen y Mynydd yn bennaf. Mae’n bridio fel arfer mewn dyffrynnoedd serth neu ar greigiau a chlogwyni.
![The purple flowers of the purple saxifrage](https://eryri.llyw.cymru/wp-content/uploads/2022/03/Purple-Saxifrage-Bjorn-S..jpg)
Tormaen Glasgoch
Mae'r tormaen glasgoch yn un o flodau artig alpaidd mwyaf gwydn Cymru, sy'n tyfu mewn rhanbarthau mynyddig hynod oer a phellennig.