Mae gweld arwyneb llyn yn ddrych llonydd neu weld afon yn ei rhuthr wedi llif mawr yn brofiad cyfriniol.
Does dim prinder o ddŵr yn y Parc Cenedlaethol. Mae yma 434 milltir o afonydd a thros 100 o lynnoedd.
Does dim rhyfedd bod Eryri’n enwog am ei llynnoedd lledrithiol a’i hafonydd hardd, â 4,343mm o law yn disgyn ar rannau o’r tirwedd yn flynyddol.
![Llyn Tegid](https://eryri.llyw.cymru/wp-content/uploads/2022/01/076_ffN_129.jpg)
![A small 'gwyniad' in the hands of](https://eryri.llyw.cymru/wp-content/uploads/2022/02/Gwyniad-APCE.jpeg)
![A glutinous snail underwater](https://eryri.llyw.cymru/wp-content/uploads/2022/02/Malwen-Ludiog-NRW.jpeg)
![Pearl mussels on a river bed](https://eryri.llyw.cymru/wp-content/uploads/2022/02/Pearl-Mussel-NRW.jpeg)
![](https://eryri.llyw.cymru/wp-content/uploads/2022/02/shutterstock_177959687.jpg)
![An otter on the shore of a river](https://eryri.llyw.cymru/wp-content/uploads/2022/02/shutterstock_1980762944.jpg)
![A water vole rests on the shore of a river](https://eryri.llyw.cymru/wp-content/uploads/2022/03/Water-Vole-Peter-Trimming.jpg)
![A kingfisher rests on a branch](https://eryri.llyw.cymru/wp-content/uploads/2022/03/Kingfisher-Wikimedia-Commons.jpg)
![An oystercatcher pertches on a craggy rock](https://eryri.llyw.cymru/wp-content/uploads/2022/02/Oystercatcher.jpg)
![A grey heron with a fish in its beak](https://eryri.llyw.cymru/wp-content/uploads/2022/02/Grey-Heron.jpg)
Mae’n anodd dod ar draws lyn yn Eryri sydd heb arwyddocâd i’w enw, boed yn hanu o fytholeg a llên gwerin yr ardal neu o nodweddion y tirwedd sydd o’i gwmpas.
Mae’n debyg i Lyn Barfog, ger Aberdyfi gael ei enwi ar ôl y brwyn sy’n tyfu ar hyd ei lannau.
Mae straeon yn dweud mai afanc peryglus roddodd ei enw i Lyn yr Afanc ger Betws y Coed.
Credir bod y llyn hwn wedi ei enwi ar ôl bugail a foddodd ynddo wrth iddo olchi defaid ei feistr.
Mae Llyn Bochlwyd, uwch Llyn Ogwen wedi ei enwi ar ôl stori am hudd yn dianc o grafangau heliwr. Fe nofiodd ar draws y llyn gan gadw ei fochau llwyd uwch ben y dŵr er mwyn anadlu.
Mae rhai yn credu mai Tegid Foel, brenin creulon chwedlonol, a roddodd ei enw i Lyn Tegid. Mae sôn fod teyrnas Tegid Foel wedi boddi o dan y dŵr oherwydd ei natur gas.