Mae SMS (Sustainable Management Scheme) Amaethwyr Mawddwy yn brosiect gwerth oddeutu £600,000 a ariennir drwy Lywodraeth Cymru a Chronfa Amaethyddol Ewrop ar gyfer Datblygu Gwledig. Darperir y prosiect gan Awdurdod Parc Cenedlaethol Eryri gan gydweithio â phum tirfeddiannwr. Fe’i lleolir yn ne’r Parc Cenedlaethol yn Nyffryn Mawddwy.
Amcanion y Prosiect
Prif amcanion y prosiect yw gwella bioamrywiaeth a chysylltedd cynefinoedd trwy blannu gwrychoedd a choetiroedd bychain helaeth, ac adfer mawndiroedd i wella storfeydd carbon a dŵr naturiol.
Yn ogystal, bydd y prosiect yn cydweithio â sefydliadau bach lleol a’r coleg lleol i hyrwyddo a gwella llwybrau troed.
Bydd y prosiect yn gweithio ochr yn ochr â chymdeithas Eryri i gynnal digwyddiadau gwirfoddol mewn corneli tawelach, llai adnabyddus o’r Parc Cenedlaethol.
Partneriaid y Prosiect
- Awdurdod Parc Cenedlaethol Eryri
- Amaethwyr Mawddwy
- Cymdeithas Eryri
- Cwmni Nod Glas
- Coleg Meirion Dwyfor
- Yr Ymddiriedolaeth Genedlaethol
