Cylchdaith ucheldir Llanfairfechan
Mae’r llwybr yma yn dringo trwy rostir ac ucheldir agored, gan gynnig golygfeydd eang dros y Carneddau, Afon Menai ac arfordir Gogledd Cymru.
Ar hyd y ffordd, byddwch yn croesi tirwedd â hanes hir o ddefnydd dynol, gyda safleoedd ac olion archeolegol sy’n dyddio’n ôl i Oes y Cerrig.
Pam y llwybr hwn?
Os ydych chi’n chwilio am antur sydd ddim yn teimlo’n rhy heriol, mae’r gylchdaith hon yn ddewis gwych i chi. Mae’r daith yn mynd o bentref Llanfairfechan at odre mynyddoedd y Carneddau, drwy dirlun sy’n llawn nodweddion archeolegol yn dyddio o Oes y Cerrig.
Ⓗ Hawlfraint y Goron a hawliau cronfa ddata Arolwg Ordnans AC0000825604. Mae defnydd o’r data yma’n amodol ar delerau ac amodau.
Mae Awdurdod Parc Cenedlaethol Eryri wedi categoreiddio’r llwybr hwn fel llwybr cymedrol. Mae’n addas ar gyfer pobl sydd â rhywfaint o brofiad cerdded cefn gwlad a lefel rhesymol o ffitrwydd. Mae rhai llwybrau serth ar hyd y daith a a gall y rhannau sydd mewn cefn gwlad agored fod yn ddiwyneb. Mae esgidiau cerdded a dillad dal dŵr yn hanfodol.
Map OS perthnasol: OS Explorer OL17
Dechrau / Diwedd: SH 698 736
Cofiwch barcio mewn ardaloedd parcio dynodedig a pheidiwch byth â pharcio mewn llefydd sydd yn rhwystro mynediad i gaeau neu ardaloedd preswyl.
Maes Parcio Teiryd
Gweld ar What 3 Words
Gweld ar Google Maps
Byddwch yn ddiogel a helpwch i warchod cefn gwlad trwy ddarllen y wybodaeth am ddiogelwch a dilyn y Cod Cefn Gwlad.
