Mae cyfleoedd beicio eang ym Mharc Cenedlaethol Eryri i feiciwyr o bob gallu.
Llwybrau coedwig troellog, esgynfeydd godidog a theithiau hamdden i’r teulu
Er fod Eryri’n adnabyddus am ei milltiroedd o lwybrau cerdded, mae gan y Parc Cenedlaethol ystod eang o gyfleoedd beicio yn ogystal.
Mae’r Parc Cenedlaethol yn gartref i lwybrau coedwig troellog, ffyrdd â golygfeydd syfrdanol a theithiau hamdden i feicwyr o bob gallu.
Beicio yn Eryri
Llwybr Mawddach
Mae Llwybr Mawddach yn lwybr aml-ddefnydd sy’n ymestyn rhwng Dolgellau ac Abermaw. Dyma lwybr poblogaidd gyda teuluoedd a cherddwyr o bob gallu.
Lôn Gwyrfai
Llwybr aml-ddefnydd yw Lôn Gwyrfai sy’n ymestyn rhwng Rhyd Ddu a Beddgelert. Mae’r llwybr yn addas i feicwyr o bob gallu.
Canolfan Coed y Brenin
Coed y Brenin oedd y ganolfan beicio mynydd bwrpasol gyntaf ym Mhrydain. Mae nifer eang o lwybrau beicio mynydd i gychwynwyr, teuluoedd a’r rhai profiadol.
Coedwig Beddgelert
Mae llwybrau beicio Bedwen a Derwen yng Nghoedwig Beddgelert yn lwybrau sy’n addas i feicwyr a theuluoedd sydd wedi arfer â beicio yn yr awyr agored. Mae Lôn Gwyrfai yn rhedeg wrth law.
Parc Coedwig Gwydir
Mae dau lwybr beicio mynydd anodd ym Mharc Coedwig Gwydir—Gwydir Bach a Gwydir Mawr. Mae Parc Coedwig Gwydir yn cael ei reoli gan Cyfoeth Naturiol Cymru.
Gwybodaeth