Sut i gyrraedd Pen y Pass
Pen y Pass yw’r dechreubwynt ar gyfer Llwybrau’r Mwynwyr a Pyg sy’n arwain at gopa’r Wyddfa. Mae’n hanfodol cynllunio sut i gyrraedd Pen y Pass ymlaen llaw yn ystod y misoedd prysur rhwng Mawrth a Tachwedd.
Sherpa’r Wyddfa
Un o’r ffyrdd mwyaf effeithlon o gyrraedd Pen y Pass yw defnyddio’r gwasanaeth bws Sherpa’r Wyddfa. Mae’r gwasanaeth yn golygu y gallwch barcio yn Nant Peris, Llanberis neu Gaernarfon a gwneud defnydd o gysylltiadau uniongyrchol â Phen y Pass. Gall y gwasanaeth hefyd fynd â chi i Ben y Pass o Fangor.
Tacsi neu liffd
Mae cael liffd gan ffrind neu dacsi yn ffordd effeithol arall i gyrraedd Pen y Pass. Ystyriwch yr opsiwn yma os yw’r maes parcio yn llawn. Byddwch yn barod i adael y cerbyd erbyn cyrraedd y maes parcio er mwyn osgoi tagfeydd.
Maes parcio Pen y Pass
Ar hyn o bryd, mae maes parcio Pen y Pass yn gweithredu fel system talu ac arddangos tan Mawrth 28, 2026 — gyda lleoedd ar gael ar sail cyntaf i’r felin. Cynlluniwch eich ymweliad ymlaen llaw gan ystyried meysydd parcio eraill neu defnyddiwch wasanaethau bysiau yn yr ardal. Fodd bynnag, mae rhag archebu ar gyfer parcio o 28ain o Fawrth ymlaen bellach ar agor a gallwch wneud hynny drwy wefan JustPark.
Mae llefydd parcio pwrpasol ar gael ar gyfer deiliaid bathodyn glas ym Mhen y Pass ac yn gweithredu ar sail cyntaf i’r felin.
Os ydych chi’n defnyddio gwasanaeth bws Sherpa’r Wyddfa, bydd pob taith yn cael ei gweithredu gan fysiau llawr isel gyda lle i gadeiriau olwyn.
Os ydych yn bwriadu parcio bws mini sydd yn fwy na 5 medr o hyd ym Mhen y Pass, bydd angen i chi gysylltu ag Awdurdod y Parc Cenedlaethol ymlaen llaw i drefnu eich lle parcio.
Nid oes unrhyw leoedd beiciau modur wedi’u neilltuo.
Yn ogystal, ni fydd beicwyr modur yn cael rhannu lle parcio. Mae pob lle parcio ar gyfer un cerbyd yn unig.
Bydd maes parcio Pen y Pass yn dychwelyd i system rhag archebu ar y 28ain o Fawrth 2026, tan fis Tachwedd 2026. Fodd bynnag, mae rhag archebu ar gyfer parcio o 28ain o Fawrth ymlaen bellach ar agor a gallwch wneud hynny drwy wefan JustPark.
Mae rhagor o fanylion am drefniadau parciau i westeion Hostel YHA Pen y Pass ar gael ar wefan yr hostel.
Dydd Llun i Ddydd Sul
Yr isafswm pris yw £20 am sesiwn parcio 8 awr.
Hyd at 8 awr: £20.00
8 – 12 awr: £30.00
Diwrnod llawn: £40.00
Mae parcio ym Mhen y Pass yn gyfyngedig iawn, felly nid yw estyniadau i archebion presennol yn bosibl.
