Yn mesur 3.5 milltir o hyd a thri chwarter milltir ar ei bwynt lletaf, Llyn Tegid yw llyn naturiol mwyaf Cymru. Mae’r llyn yn le poblogaidd ar gyfer gweithgareddau dŵr megis padl-fyrddio, canŵio, hwylfyrddio a physgota.
Gallwch brynu trwydded i gymryd rhan mewn chwaraeon dŵr drwy ddefnyddio’r peiriannau talu ac arddangos yn y meysydd parcio ar lan y llyn.
Ni chaniateir gwersylla dros nos ar lan y llyn nac yn y meysydd parcio.
Ceir rhagor o wybodaeth am wersylla yn Eryri ar y dudalen Gwersylla.
Mae croeso i gŵn yn Llyn Tegid. Gwnewch yn siŵr eich bod yn gwirio’r wybodaeth ddiweddaraf am ddod â chŵn i Eryri yn gyntaf.
Na. Ni chaniateir tanio barbeciwiau ar lan y llyn.
Ar adegau yn ystod tymor yr haf, pan fo’r tywydd yn gynnes a’r dŵr yn llonydd, fe fydd algâu gwyrddlas gwenwynig yn Llyn Tegid. Chwiliwch am lysnafedd gwyrdd ar yr wyneb. Peidiwch â chyffwrdd na mynd i mewn i’r dŵr pan welwch lysnafedd ar yr wyneb, a rhowch wybod i warden y llyn cyn gynted â phosibl. Pan fydd algâu gwyrddlas wedi’u gweld ar y llyn, mae’r wybodaeth yn cael ei rhannu ar wefan y Parc Cenedlaethol ac ar arwyddion o amgylch y llyn.
Gallwch gyrraedd y llyn o feysydd parcio Awdurdod Parc Cenedlaethol Eryri. Mae dau faes parcio—un ar flaendraeth y llyn ac un arall yn Llangower.
Mae pysgota yn weithgaredd poblogaidd yn Llyn Tegid. Gallwch bysgota trwy brynu trwydded bysgota. Mae trwyddedau dydd, wythnos a thymhorol ar gael ar dudalen gan Awdurdod Parc Cenedlaethol Eryri.
